Një aksident me vdekje ka ndodhur në aksin rrugor Belsh-Grekan, ku një adoleshent 17-vjeçar ka përplasur një 80-vjeçare duke drejtuar motorin. Pas ngjarjes tragjike, shtetasja e moshuar ka ndërruar jetë në spital. Adoleshenti është i plagosur dhe aktualisht ndodhet në spital, por jashtë rrezikut për jetën. Autoritetet po kryejnë hetimet për të sqaruar rrethanat dhe shkaqet e aksidentit.
Në aksin rrugor “Belsh-Grekan”, motomjeti me drejtues shtetasin B. A., 17 vjeç ka përplasur shtetasen R. L., rreth 80 vjeçe (këmbësore).Si pasojë e dëmtimeve, shtetasja R. L., ka ndërruar jetë në spital.
Gjithashtu, është dëmtuar 17-vjeçari i cili ndodhet në kujdesin e mjekëve, jashtë rrezikut për jetën. Me 17-vjeçarin po kryhen veprimet e mëtejshme procedurale. Grupi hetimor po kryen hetime për sqarimin e rrethanave të aksidentit
