Alfred Ndoj, një nga personat që morën pjesë në pengmarrjen dhe dhunimin e Gentian Omerit në janar të këtij viti, është arrestuar nga policia e Vlorës. Më datë 9 janar, Alfred Ndoji dhe katër persona të tjerë u përfshën në një incident ku morën peng dhe dhunuan Gentian Omerin, duke e lënë pa ndjenja në mes të rrugës.
Gjykata e Shkallës së Parë e Juridiksionit të Përgjithshëm në Sarandë ka vendosur masën e sigurisë “Arrest në burg” për 40-vjeçarin Alfred Ndoji, në lidhje me veprat penale “Heqja e paligjshme e lirisë” dhe “Plagosja e rëndë me dashje”. Këto vepra konsiderohen të kryera në bashkëpunim me të tjerët të përfshirë në ngjarje. Arrestimi vjen pas një hetimi të gjatë nga autoritetet për ngjarjen e rëndë të ndodhur në janar.
Njoftimi i Policisë
DVP Vlorë/ Vijon operacioni policor i koduar “Sundimi i ligjit”, për kapjen e shtetasve të shpallur në kërkim për vepra të ndryshme penale.
Bashkëpunëtor për pengmarrjen e një shtetasi dhe për plagosjen e tij me sende të forta, ndalohet 40-vjeçari i shpallur në kërkim.
Ndalimi i 40-vjeçarit, rezultat i koordinimit të informacioneve dhe bashkëpunimit ndërmjet Sektorit kundër Krimeve të Rënda ndaj Jetës dhe Pronës të DVP Vlorë dhe Policisë së Lezhës.
Si rezultat i administrimit të menjëhershëm të informacioneve të siguruara nga inteligjenca policore, për vendndodhjen e shtetasit të shpallur në kërkim në kuadër të operacionit policor të koduar “Pengmarrja”, të zhvilluar nga Policia e Vlorës, më datë 19.01.2023, si dhe i shkëmbimit të tyre me shërbimet e Policisë së Lezhës, u bë i mundur, në kuadër të operacionit policor kombëtar “Sundimi i ligjit”, ndalimi i shtetasit A. N., 40 vjeç.
Gjykata e Shkallës së Parë e Juridiksionit të Përgjithshëm Sarandë i ka caktuar 40-vjeçarit masën e sigurisë “Arrest në burg”, për veprat penale “Heqja e paligjshme e lirisë” dhe “Plagosja e rëndë me dashje”, të kryera në bashkëpunim.
Përmbledhja e rastit: Më datë 19.01.2023, shtetasi A. N. dhe 4 shtetas të tjerë (të arrestuar nga Policia e Vlorës, gjatë operacionit “Pengmarrja”), për motive të dobëta, kanë mbajtur me forcë, në automjet, shtetasin G. O., e kanë plagosur atë rëndë, me sende të forta, dhe më pas e kanë lënë pa ndjenja, në rrugë.
Materialet procedurale i kaluan Prokurorisë Gjykatës së Shkallës së Parë e Juridiksionit të Përgjithshëm Sarandë, për veprime të mëtejshme.
