Seanca plenare në Kuvend ka shënuar një ngjarje dramatike dhe të tensionuar, duke sjellë përplasje dhe protesta nga deputetët e opozitës. Në fillim të fjalës së kryeparlamentares Lindita Nikolla, deputetët opozitarë kanë ndezur tymueset dhe kanë shfaqur kundërshti duke iu rënë tavolinave me duar.

Në një moment, tensionet kanë arritur në kulmin e tyre kur deputeti i Partisë Demokratike, Flamur Noka, është përpjashtuar nga Kuvendi pasi ka hedhur tymuese në sallën e Kuvendit. Noka ka pasuar me një përplasje fizike me Gardën e Kuvendit, duke tentuar të mbajë tymueset në dorë, ndërsa kolegia e tij, Albana Vokshi, ka refuzuar t’i dorëzojë tymueset gardës dhe i ka dhënë ato Nokës.

Ndonëse situata ishte e jashtëzakonshme, deputetët socialistë kanë vazhduar me rendin e ditës dhe kanë mbajtur fjalimet e tyre, pavarësisht protestave dhe kundërshtimit të opozitës.