Sekretari kryesor i Punëve të Jashtme të Kenias, Korir Sing’oei, ka bërë një gabim në identifikimin e figurës politike shqiptare në një postim në rrjetin social “X”. Në këtë postim, ai ka publikuar një foto të kryeministrit shqiptar Edi Rama, e shoqëruar me një mbishkrim që e konsideron atë si presidentin e Shqipërisë, duke bërë një ngatërrim të rëndësishëm në hierarkinë e shtetit shqiptar.

Kam privilegjin të pres SH.T. Bajram Begaj, president i Shqipërisë, përpara takimit të tij me Presidentin Ruto në Dubai”, shkroi ai në postimin e tij në “X”.

Zyrtari i lartë kenian e ndryshoi postimin pas kritikave të shumta të komenteve përfshirë edhe atë të një gazetari vendas që i tregon Sing’oei se personi në foto është kryeministri i Shqipërisë, Edi Rama. Ende nuk dihet nëse diplomati kenian nuk e di kush është Rama apo ishte një lapsus. Takimi i krerëve të qeverive përkatëse u zhvillua para fillimit të Konferencës së 28-të të Palëve (COP28) të Konventës Kuadër të Kombeve të Bashkuara për Ndryshimet Klimatike (UNFCCC).