Ish-kryeministri Sali Berisha ka bërë një deklaratë sot për mediat duke njoftuar vazhdimin e aksionit të opozitës në Shqipëri. Ai tha se aksioni do të vijojë dhe se është i pamundur të parashikohet skenari për seancën e të enjtes në Parlament.

Berisha u shpreh se nuk mund të zbulojë skenarin për seancën, duke theksuar se “armiku do të marrë masa,” duke u referuar mazhorancës. Nënkuptohet se opozita ka strategji dhe plane, por për shkak të masave që mund të marrë kundër tyre, nuk mund t’i bëjë publike.

Ish-kryeministri shtoi se opozita do të vazhdojë të dëgjohet fuqishëm nga shqiptarët dhe mbarë bota në lëvizjen e saj. Ai njoftoi gjithashtu se në mënyrë të pashmangshme, do të shkojnë drejt një proteste popullore masive, treguar se vendosmëria e tyre për të ndërmarrë veprime të forta politike mbetet e pandryshuar.

Grupi dënon me forcën më të madhe, grushtin e shtetit brenda shtetit, që ka organizuar Edi Rama, duke marrë pushtetet brenda parlamentit. Duke bllokuar fuqinë, apo pushtetin e parlamentit për kontrollin e ekzekutivit.
Pasi ka futur në xhep dhe ka skllavëruar totalisht skapin e partinë me gjykatat respektive, pra po shkohet drejt një situate që bëhet gjithnjë e më dramatike. Po shkohet drejt një situate në të cilën qytetarët shqiptarë janë të ftuar të ngrihen me gjithë guximin e tyre për të përmbysur këtë regjim puçist, këtë narkokraturë, që nuk njeh ligj, kushtetutë dhe asnjë rregull