Ngjarja në spitalin e Tivolit në periferi të Romës ka sjellë një tragjedi me viktima njerëzore. Tre pacientë humbën jetën nga pasojat e zjarrit, ndërsa mbi 200 persona janë evakuuar nga struktura e spitalit për shkak të flakëve.

Zjarri shpërtheu në mbrëmjen e së premtes në disa dhoma të katit të dytë të spitalit dhe më pas përhapet në disa reparte të tjera, duke përfshirë urgjencën dhe reanimacionin. Në mesin e personave të evakuuar, janë shtatë fëmijë, një grua shtatzënë, dhe pacientë me COVID-19 nga pavioni i parë.

Përpjekjet për të shuar flakët janë ende në vazhdim, dhe operacionet për sigurimin e strukturës janë duke u zhvilluar. Për shkak të tymit që ka pushtuar spitalin, repartet e tjera, të pa prekura nga zjarri, janë bërë të pabanueshme.

Deri më tani, shkaqet e shpërthimit të zjarrit ende nuk janë të qarta, dhe autoritetet po hetojnë për të zbuluar origjinën dhe rrethanat e ngjarjes tragjike në spitalin e Tivolit. Kjo ngjarje ka shpallur një situatë emergjente në rajon, dhe përpjekjet për menaxhimin e pasojave po vijojnë.