Dy fëmijët e Liridona Ademajt kanë udhëtuar drejt Suedisë, ku shteti suedez tashmë i ka marrë ata në përkujdesje. Konfirmohet lajmi, ndërsa kujtojmë se dy fëmijët janë shtetas suedezë.

Ngjarja e rëndë ka sjellë arrestimin e 4 personave deri më tani. Naim Murseli, i dyshuar për porosinë e vrasjes së gruas së tij Liridonës, ndërsa Granit Plava akuzohet për pranimin e pagesës për kryerjen e vrasjes.

Kushtrim Kokalla është arrestuar për marrëveshje për të kryer veprën penale “vrasje e rëndë”.

Gjithashtu dje u arrestua edhe Tomë Dodaj nga Gjakova, i cili dyshohet se i ka siguruar armën e krimit bashkëshortit të Liridonës, Naim Murselit dhe ekzekutuesit të dyshuar Granit Plavës.