Presidentja e Kosovës, Vjosa Osmani, ka udhëtuar për në Bruksel, ku do të marrë pjesë në Samitin e liderëve të Bashkimit Evropian dhe Ballkanit Perëndimor. Në këtë takim, pritet të diskutohet për procesin e zgjerimit, perspektivën evropiane të vendeve të Ballkanit Perëndimor, si dhe bashkërendimin me politikën e përbashkët të jashtme dhe të sigurisë të BE-së. Presidentja Osmani do të përqendrohet në nevojën e përshpejtimit të procesit të integrimit dhe mbështetjen për statusin e vendit kandidat për Kosovën. Gjithashtu, ajo do të informojë lidhur me situatën e sigurisë në vend, pas sulmit të fundit të agresionit të Serbisë më 24 shtator.

“Në takimin e liderëve të BE-së dhe Ballkanit Perëndimor, Presidentja Osmani do të diskutojë nevojën e përshpejtimit të procesit të integrimit në dritë të sfidave të vazhdueshme të sigurisë në rajon dhe më gjerë, duke filluar me mbështetjen për statusin e vendit kandidat për Republikën e Kosovës”