Aktorja franceze Hélène Daras ka ngritur akuza të reja për sulm seksual kundër Gerard Depardieu. Ajo pretendon se u sulmua gjatë xhirimeve të filmit “Disco” në vitin 2007, duke ngritur një padi kundër yllit të njohur të Hollivudit.

Daras ka rrëfyer për sulmin në një dokumentar televiziv, “Gerard Depardieu: La chute de l’ogre,” duke thënë se aktori e ka sulmuar seksualisht duke e kapur nga beli dhe duke kërkuar që ata të shkojnë në dhomën e tij të zhveshjes. Ajo tha se Depardieu i ka prekur organet gjenitale në mënyrë këmbëngulëse dhe ka vazhduar t’i bëjë sulme seksuale gjatë xhirimeve.

Në deklaratën e saj, Daras përshkruan Depardieu si një person “jashtë kontrollit” dhe tha se ishte fillestare në industrinë e aktrimit. Ajo shtoi se aktori vazhdoi sulmin pavarësisht refuzimeve të saj.

Zyra e prokurorit të Parisit ka njoftuar se janë duke analizuar ankesën për të vendosur nëse do të trajtohet veçmas apo si pjesë e çështjes në vazhdim, e cila ka të bëjë me akuza të mëparshme për përdhunim të ngritura kundër Depardieu në vitin 2018.

Ekipi ligjor i Gerard Depardieu nuk ka komentuar ende mbi ankesën e re dhe ka përmendur se nuk do të japin komente në këtë fazë të procesit. Situata tashmë ka shkaktuar një reagim të përgjithshëm dhe vazhdon të mbetet nën hetim nga autoritetet gjyqësore.