Një mbrëmje e mahnitshme ka shënuar një ngjarje të vecantë për aktorin Donald Veshaj dhe partneren e tij, Borën Zemani. Donaldi zgjodhi momentin e premierës së filmit “5 herë Jo” për të bërë një propozim të paharruar.

Gjatë ngjarjes së rëndësishme, aktori u ul në gjunj para Borës dhe e propozoi atë për martesë. Kjo ndodhi para syve të të gjithë pjesëmarrësve në premierë, duke bërë momentin edhe më emocionues. Përgjigjja e Borës ishte një “PO” i qëndrueshëm, duke shënuar fillimin e një kapitulli të ri në jetën e tyre.

Propozimi erdhi në skenë në kuadër të promovimit të filmit, i cili ka Borën dhe Donaldin si protagonistë.

Në këtë ditë të veçantë, Borë Zemani ka shumë arsye për të festuar. Përveç propozimit të bekuar, ajo po e përjeton ditëlindjen e djalit të saj, Arborit, i cili ka mbushur sot 9 vjeç. Në një postim të ngrohtë në Instagram, Bora ndan momente të bukura me djaloshin dhe shprehet për dashurinë e pafundme ndaj tij.

“12 dhjetori, një datë e shenjtë për mua, kur njoha dashurinë më të madhe në univers. Të qenit mami yt është e preferuara ime përgjithmonë! Të dua pafund, gëzimi i shpirtit tim!“, shkruan Bora në postimin e saj emocional në rrjetin social.

Kjo ngjarje bën 12 dhjetorin një ditë të paharruar për prezantuesen e njohur në skenën artistike shqiptare.