Këngëtarja dhe moderatorja Enxhi Nasufi ka ndarë eksperiencën e saj në “Live From Tirana”, duke zbuluar momentet më të vështira dhe emocionuese të rrugëtimit në gjysmëfinalen e “Dancing With The Stars”. Në një intervistë të veçuar, ajo ka rrëfyer një nga momentet e errëta të jetës së saj, një ndarje e rëndësishme para fillimit të aventurës së re.

Enxhi tregon për momentin e vështirë të ndarjes me një person të rëndësishëm, duke shprehur se ky ngjarje i ka ndryshuar jetën dhe rutinën. Megjithatë, ajo pohon se kjo përvojë e vështirë e ka shtyrë për të fuqizuar veten dhe për të gjetur një frymë të re në “Dancing With The Stars”.

Kam pasur një ndarje me një person shumë të rëndësishëm të jetës sime, pas 7-vitesh. Kështu që ty të ndryshon jeta, ndryshon rutinën dhe gjërat duken sikur nisin nga fillimi. Por duke qenë se unë besoj se gjërat ndodhin për një arsye, kjo më ka dhënë shtysën më të madhe për të fuqizuar veten time, e ndarë nga çdo njeri tjetër. Ai nuk është më pjesë e jetës sime, por është djalë shumë i mirë dhe i uroj gjithë të mirat. Unë e di që më sheh me shumë krenari”.

Gjatë intervistës, Enxhi tregon për pasionin e saj për artin dhe televizionin, duke shtuar se ëndrra e saj më e madhe është të bëhet pjesë e një filmi si aktore. Ajo shprehet se ka ndjekur kurse aktrimi në fëmijëri dhe shprehet se do të donte të shfaqej në një film, duke shtuar një kapitull të ri në karrierën e saj multitalent.