Gjykata Kushtetuese nuk ka lejuar për shqyrtimin e padisë së ndarë nga Partia Demokratike në lidhje me marrëveshjen me Italinë për trajtimin e emigrantëve. Në një vendim të marë në datë 22 dhjetor 2023, Gjykata Kushtetuese ka vlerësuar se Partia Demokratike nuk është legjitimuar “ratione personae” (nga pikëpamja e subjektit) për të drejtuar këtë kërkesë. Gjykata ka argumentuar se partitë politike duhet të provojnë lidhjen e domosdoshme me çështjen e ngritur dhe se interesi i tyre duhet të jetë i justifikuar nga pasoja negative të drejtpërdrejta, reale dhe të lidhura ngushtë me funksionet e tyre. Në këtë rast, Gjykata ka vlerësuar se Partia Demokratike nuk ka arritur ta provojë këtë lidhje dhe, si rezultat, kërkesa nuk ka pasuar në shqyrtim.

Mbledhja e Gjyqtarëve vlerësoi se mundësia e partive politike për të vënë në lëvizje kontrollin kushtetues ekziston edhe në rastin e marrëveshjeve ndërkombëtare, për të cilat gjithashtu duhet justifikuar interesi i tyre. Qëndrimi i mbajtur nga Gjykata në gjykimin kushtetues të marrëveshjes së detit (vendimi nr. 15, datë 15.04.2010) nuk është i zbatueshëm në rastin konkret pasi në atë rast, Gjykata legjitimoi partinë politike parlamentare në kontekstin e një situate të veçantë institucionale që lidhej me procedurat në zhvillim e sipër të konstituimit të legjislaturës së re parlamentare dhe verifikimit të mandateve të reja të deputetëve. Duke analizuar këtë jurisprudencë, Mbledhja e Gjyqtarëve arriti në përfundimin se zhvillimet institucionale aktuale janë të ndryshme nga ajo e rastit të marrëveshjes së detit, pasi legjislatura e Kuvendit është tërësisht funksionale dhe nuk ka ndonjë pengesë për subjektet e tjera të pakushtëzuara (përfshi 1/5 e deputetëve), siç ishte rasti në marrëveshjen e detit, për të vënë në lëvizje gjykimin kushtetues. Gjithashtu, vlen të përmendet se Gjykata është duke e shqyrtuar tashmë kushtetutshmërinë e Protokollit “Për forcimin e bashkëpunimit në fushën e migracionit”

Për sa më lart, Mbledhja e Gjyqtarëve arriti në përfundimin se kërkuesja, Partia Demokratike e Shqipërisë, nuk legjitimohet ratione personae t’i drejtohet Gjykatës, pasi nuk provohet interesi i saji drejtpërdrejtë në çështjen kushtetuese të ngritur, në kuptimin që protokolli të ketë sjellë pasoja negative për statusin ose funksionet e saj, ndaj vendosi moskalimin e çështjes për shqyrtim në seancë plenare, që do të thotë se kërkimet dhe pretendimet e kërkueses nuk mund të shqyrtohen në themelin e tyre”, thuhet në vendimin e Gjykatës Kushtetuese.