Këngëtarja e njohur Fifi ka jetuar një moment të jashtëzakonshëm në skenën e Dancing With The Stars, pasi partneri i saj, Adis Patushi, i bëri një propozim martese. Pas një performancë emocionuese, Adisi shfaq një mesazh në monitor për Fifin dhe më pas bëri propozimin për martesë në skenë. Këngëtarja pranoi me emocion dhe u shpreh se ishte një moment magjik dhe një nga më të bukurit në jetën e saj. Fifi tha se Adisi është i pranishëm në çdo moment të jetës së saj dhe se do ta dashurojë deri në fund të jetës.
Fillimisht në monitor u shfaq një mesazh nga Adisi, ku shkruhej: “Fifi faleminderit që më bën kaq të lumtur! Ti je dielli dhe hëna ime. Je njeriu që më ndryshoi krejt jetën! Të dua”.
Më pas në skenë u shfaq partneri i këngëtares, duke bërë që Fifi të emocionohej dhe të dy të përloteshin.
“Je shumë e bukur, a do të martohesh me mua”, iu drejtua ai.
Dhe padyshim që përgjigja e këngëtares ishte “Po”.
Pas propozimit për martesë, Fifi u shpreh se ishte moment magjik dhe një nga më të bukurit që ka përjetuar. Këngëtarja theksoi se ai është aty në çdo moment të jetës së saj dhe se do e dashurojë deri në fund të jetës.
