Një aksident automobilistik ka ndodhur sot në aksin rrugor Levan-Tepelenë, në fshatin Frakull e Vogël.
Automjeti tip “Benz” autobot, i drejtuar nga shtetasi A.G., 36 vjeç, ka përplasur një mjet bujqësor, frezë, të drejtuar nga shtetasi D.Rr.
Drejtuesi i frezës është dërguar urgjentisht në spital, ndërsa një grup hetimor është ngritur në vendngjarje për të hetuar shkaqet e aksidentit. Policia ka njoftuar se grupi hetimor po punon për përcaktimin e shkakut të aksidentit.
Njoftimi i Policisë:
Fier
Rreth orës 17:00, në aksin rrugor “Levan-Tepelenë”, në fshatin Frakull e Vogël, automjeti tip “Benz” autobot, me drejtues shtetasin A. G., 36 vjeç, është përplasur me një mjet bujqësor, frezë, me drejtues shtetasin D. Rr.
Si pasojë e përplasjes është dëmtuar shtetasi D. Rr., i cili ndodhet në spital, në kujdesin e mjekëve.
Grupi hetimor po punon për përcaktimin e shkakut të aksidentit.
