Kryedemokrati Sali Berisha shprehu mosmirënjohjen ndaj vendimit të Gjykatës së Lartë në lidhje me çështjen e vulës së Partisë Demokratike (PD). Berisha tha se Gjykata e Lartë nuk arriti të përmbushë misionin e saj për të rrëzuar përfundimisht vendimin e Apelit. Ai vlerësoi se vendimi i Gjykatës së Shkallës së Parë është aktualisht në fuqi për çështjen e PD-së.

Berisha shtoi se Gjykata e Lartë ka disiplinuar treshen gjykuese të Apelit duke kërkuar zëvendësimin e tyre me gjyqtarë të tjerë kur çështja të rishqyrtohet. Kryedemokrati theksoi se çdo interpretim tjetër i situatës është i gabuar dhe insistoi se vendimi i Shkallës së Parë është në fuqi derisa të gjykohet përsëri. Berisha kritikoi Gjykatën e Lartë, duke theksuar se nuk ka përmbushur detyrën e saj me tërësi.

Thjesht, vendimi i Gjykatës së Lartë. Gjykata e Lartë nuk u ngrit në lartësinë e misionit të saj që të rrëzojë përfundimisht vendimin e Apelit. Aktualisht në fuqi është vendimi i Shkallës së Parë, sepse Gjykata e Lartë nuk e çoi për rigjykim në Shkallën e parë, por e çoi për rigjykim në Apel, duke marrë një vendim disiplinues ndaj treshes që mori atë vendim, duke kërkuar që të mos e gjykojë më ajo, për arsye të cilat duhet lexuar vendimi. Pra, kthehemi siç kemi qenë në fillim, kur vendosi Gjykata e Faktit. Ky është realiteti. Çdo interpretim tjetër është krejtësisht i gabuar.

…Gjykata e Lartë nuk mund të merrte vendim, nëse do gjykonte në lartësi, përveçse njohjen përfundimtare të Gjykatës së Faktit. Pse e them këtë? Vetë Gjykata e Lartë ka disiplinuar, se kjo quhet disiplinim, sepse të të përjashtojë nga e drejta e rigjykimit, ajo normalisht po të mos kishte probleme të rënda, i takonte ta gjykonte e njëjta trupë, por fakti që u detyrua të përjashtojë trupën dhe pastaj, pra kaq skandaloze ishte gjendja aty në vendim, kaq skandaloze ishte saqë nuk mund të përtypej në asnjë mënyrë dhe u detyrua ta kthejë me një trupë tjetër. Në një kohë kur vendimi i vetëm jashtë diktatit të Edi Ramës, do ishte që lihet në fuqi vendimi i Shkallës së Parë, i cili është në fuqi, por është në fuqi gjersa të gjykohet, që të mos bëjmë interpretime.
Të dyshosh tani që Gjykata e Lartë nuk kontrollohet nga Edi Rama, tani mos e pyet…