Për të dytën herë këtë muaj, administrata e Presidentit Biden miratoi shitje emergjence armësh për Izraelin, duke tejkaluar Kongresin.

Shitja prej 147.5 milionë dollarësh për paisje ushtarake vjen në kontekstin e luftës së vazhdueshme mes Izraelit dhe Hamasit në Gazë. Departamenti i Shtetit tha se vendimi u mor për shkak të urgjencës së nevojave të mbrojtjes së Izraelit.

“Për shkak të urgjencës së nevojave të mbrojtjes së Izraelit, sekretari njoftoi Kongresin se ka ushtruar autoritetin e deleguar për të vendosur se ekziston një emergjencë, për shkak të së cilës është i nevojshëm miratimi i menjëhershëm i transferimit (të paisjeve). Shtetet e Bashkuara janë të përkushtuara për sigurinë e Izraelit, dhe është jetike për interesat kombëtare të Shteteve të Bashkuara që Izraeli të jetë në gjendje të mbrohet nga rreziqet që i kanosen”, tha Departamenti i Shtetit.

Ky veprim i papërdorur shpesh shkaktoi kritika dhe shqyrtimi i Kongresit për shitje të tjera armësh. Administratat e mëparshme kanë ushtruar këtë autoritet në raste të ngjashme, duke theksuar urgjencën e nevojave për sigurinë kombëtare.

Vazhdojmë t’i theksojmë me forcë qeverisë së Izraelit se ata jo vetëm që duhet të respektojnë ligjin ndërkombëtar humanitar, por gjithashtu të ndërmarrin çdo hap të mundshëm për të parandaluar dëmtimin e civilëve”, thuhet në deklaratë.

“Hamasi fshihet pas civilëve dhe është ngulitur në radhët e popullatës civile, por kjo nuk e pakëson përgjegjësinë dhe detyrimin strategjik të Izraelit për të bërë dallimin mes civilëve dhe terroristëve të Hamasit ndërsa kryen operacionet e tij ushtarake”, tha Departamenti i Shtetit. “Kjo lloj fushate mund të fitohet vetëm duke mbrojtur civilët”.