Policia ka bërë me dije se shkaku i zjarrit në një rrobaqepësi në Rrëshen nuk ishte shkaktuar nga shkëndija elektrike, por nga vetë pronarja, e cila vuan nga probleme të shëndetit mendor. Hetimet kanë çuar në dyshimin se zjarri është ngritur me qëllim nga shtetase L. Ç., 40 vjeçe, dhe materialet janë referuar në Prokurori për fillimin e një procedimi në gjendje të lirë për veprën penale “Shkatërrimi i pronës me zjarr”.
Njoftimi i policisë
Rrëshen/Informacion shtesë
Si rezultat i veprimeve të thelluara të kryera nga grupi hetimor, për rënien e zjarrit në rrobaqepësinë e shtetases D. K., paraditen e sotme, ka rezultuar se zjarri në këtë ambient nuk ishte shkaktuar nga shkëndijë elektrike.
Nga hetimet dyshohet se është vënë nga shtetasja L. Ç., 40 vjeçe, banuese në Rrëshen, e cila vuan nga probleme të shëndetit mendor.
Në vijim të veprimeve procedurale për këtë rast, u referuan materialet në Prokurori ku nisi procedimi në gjendje të lirë për shtetasen L. Ç., për veprën penale “Shkatërrimi i pronës me zjarr”.
