Pasditen e së martës, një aksident rrugor ka ndodhur në aksin nacional Korçë-Bilisht, në afërsi të fshatit Bitinckë. Në ngjarje, një makinë tip “Isuzi” ka përplasur një motor, ku udhëtonin Agron dhe Drita Hasaj. Çifti ka pësuar plagë dhe është transportuar në spitalin rajonal të Korçës. Policija po heton për të zbardhur rrethanat e aksidentit.

“Më datë 02.01.2024, në aksin rrugor “Korçë-Bilisht”, pranë fshatit Bitinckë, automjeti tip “Isuzi” me drejtues shtetasin Sh. L., ka përplasur motomjetin me drejtues shtetasin A. H., rreth 64 vjeç. Për pasojë ka marrë dëmtime ky i fundit dhe bashkëshortja e tij D. H., rreth 59 vjeçe, pasagjere në motomjet, të cilët po transportohen për mjekim në spitalin e Korçës”, njofton policia.
Drejtuesi i automjetit u shoqërua për veprime të mëtejshme procedurale. Grupi hetimor po punon për zbardhjen e rrethanave të aksidentit.