Një banesë në katin e pestë të një pallati në lagjen “Pjetër Budi” në qytetin e Burrelit është përfshirë nga flakët këtë të enjte. Flakët u përhapën me shpejtësi në të gjithë banesën, ndërkohë që familjarët arritën të dalin në kohë jashtë dhe të mos pësojnë lëndime.

Ekipet zjarrfikëse intervenuan menjëherë për të parandaluar përhapjen e flakëve në banesat e tjera të pallatit pesë katësh. Zjarrin e shuanë pas një lufte të shkurtër, por dëmet materiale janë të konsiderueshme.

Pas disa minutash luftë me flakët ekipet zjarrfikëse arritën ta neutralizojnë zjarrin. Paraprakisht mësohet se zjarri ka shkaktuar dëme të mëdha materiale pasi ka përfshirë gjithë banesën me tre dhoma.

Grupi hetimor bën të ditur se zjarri ka djegur thuajse të gjitha orenditë shtëpiake, ndërsa tashmë familjarët do të duhet të strehohen diku tjetër. Në vendin e ngjarjes mbërriti edhe grupi hetimor për të zbardhur shkaqet e rënies së zjarrit në këtë banesë.