Gjykata e Fierit ka vendosur masën e sigurisë “arrest me burg” për Dan Hutra, vrasësin gjakftohtë të tre grave, dhe tre bashkëpunëtorët e tij, Geraldo Veizaj, Feti Kovaci dhe Martin Kapllanaj. Grupi ishte arrestuar për planifikimin e arratisjes nga burgu i sigurisë së lartë të Fierit.

Në gjyq, Dan Hutra mohoi lidhjen me ngjarjen dhe planin për t’u arratisur. Megjithatë, autoritetet e drejtësisë e konsiderojnë atë si udhëheqës të planit.

Planifikimi i arratisjes u zbulua nga stafi i burgut para mesditës së 4 janarit. Hutra dhe bashkëpunëtorët e tij, të cilët ishin të burgosur në qeli të ngjitur, kishin përpjekur të hapnin dritaren duke përdorur mjete të improvizuara. Ata kishin gati çarçafët si litarë dhe mjete prerëse të improvizuara.

Dan Hutra në qelinë e tij ngjitur me numrin 15, kishte bërë gati çarçafët e improvizuar si litar. Aty, stafi i burgjeve gjeti edhe mjete prerëse të improvizuara. Nën dirigjimin e Dan Hutrës, të burgosurit, kishin bërë plan të arratiseshin gjatë ndërrimit të turneve të rojeve. Sapo dyert të hapeshin, Dan Hutra do të kalonte në qelinë e miqve vlonjatë e më tej do të vareshin me litar pasi të kishin prerë hekurat e dritares. Por plani u zbuklua në kohë dhe u parandalua arratisja. Si masë ndëshkimi për planin e arratisjes, Drejtoria e Burgjeve ka urdhëruar futjen e tyre në regjimin 41 biss, pa një afat të caktuar.

Dan Hutra, vrasësi i katër grave nga marsi i vitit 2023, është në masë arresti me burg për vrasjen e tre grave dhe plagosjen e tre të tjera. Martin Kapllani dhe Geraldo Veizi janë arrestuar më parë në nëntor të vitit 2023 për vjedhje, ndërsa Feti Kovaçi ishte në paraburgim që nga tetori i vitit 2023, i akuzuar për vjedhje. Të tre bashkëpunëtorët e Hutrës do të mbeten në burg për kohë të pacaktuar.