Ekipet e shpëtimit në Itali zbuluan sot trupat e dy alpinisteve, të cilët u goditën nga një ortek në Alpet pranë kufirit me Zvicrën. Njëra prej viktimave u gjet e varrosur në dëborë, ndërsa trupi i tjetrës u zbulua në një liqen pas goditjes së ortekut në zonën Val Formazza, në rajonin e Piemonte.
Një ekip ekspertësh u dërgua në vendngjarje me helikopter, duke sfiduar erërat e forta në zonë pasi alarmi u aktivizua rreth mesditës. Në operacionin e kërkimit të trupave, u përfshi edhe një qen shpëtimtar. Viktimave, të cilët mbanin këpucë speciale për të ecur në mal, ende nuk u është bërë e ditur identiteti. Organizata CNSAS ka bërë të ditur për ngjarjen në një deklaratë zyrtare.
