Anders Breivik, autor i një sulmi me bombë dhe armë zjarri në vitin 2011 në Norvegji, ku humbën jetën 77 persona, ka shfaqur në gjykatë të hënën duke kërkuar të padiste shtetin norvegjez për shkelje të të drejtave të njeriut.
Ai pretendon se kufizimet e vendosura ndaj tij në burg prej vitit 2012 janë të papranueshme dhe shkelje e Konventës Evropiane të të Drejtave të Njeriut.
Breivik aktualisht ka disa privilegje në qeli, por avokati thotë se ai është i penguar të komunikojë me të tjerë jashtë burgut. Autoritetet norvegjeze e kanë dënuar për vrasje në masë dhe ai që nga ajo kohë qëndron në burg, duke shfaqur pak pendesë për veprën e tij brutale.

Breivik aktualisht gëzon të gjitha akomodimet. Në qeli ai ka televizor, Xbox dhe palestër, por avokati i tij thotë se ai e ka të pamundur të lidhë marrëdhënie me dikë jashtë burgut dhe se pengimi për të dërguar letra jashtë është një shkelje e të drejtave të njeriut.

Më 22 korrik 2012, Breivik vrau 8 persona në një sulm me bombë në Oslo, përpara se të drejtohej tek një kamp rinor në ishullin Utoja, ku i veshur si oficer policie vrau me armë automatike 69 adoleshentë.

Deri më sot ai nuk ka shfaqur pendesë për sulmet, të cilat i portretizoi si një kryqëzatë kundër multikulturalizmit në Norvegji.