Napoli triumfoi me rezultatin 2-1 kundër Salernitanës në një ndeshje emocionuese, ku heroi i momentit ishte kapiteni i Kosovës, Amir Rrahmani. Rrahmani shënoi golin e fitores në minutën e 96′, duke siguruar tre pikët për Napoli.
Salernitana e Simone Inzaghit mori avantazhin e parë me golin e veteranit Candreva në minutën e 29, duke bërë që stadiumi “Diego Armando Maradona” të bjerë në heshtje.
Politano ndezi entuziazmin për Napoli duke shënuar një penallti saktë në shtesën e pjesës së parë, duke rikthyer baraspeshën.
Në pjesën e dytë, Napoli krijoi shumë volum dhe raste shënimi, por goli vendimtar erdhi në minutat shtesë. Amir Rrahmani ka shënuar pas një goditjeje dënimi, duke ndaluar topin dhe shënuar me një gjuajtje precize.
Festimet u përhapën në fushë dhe tribunat e stadiumit, me tifozët napolitanë që festuan rikthimin e skuadrës së tyre te fitoret, pas një periudhe të vështirë. Pas kësaj fitoreje, Napoli ngjitet përkohësisht në vendin e 6 me 31 pikë, ndërsa Salernitana mbetet e fundit në renditje me 12 pikë.
