Ministria e Shëndetësisë ka reaguar menjëherë pas zjarrit në pavionin e kirurgjisë në spitalin rajonal të Shkodrës, duke siguruar publikun se hetimet për shkaqet e zjarrit janë në vazhdim dhe se nuk ka pasur të lënduar nga ky ngjarje.
Në një deklaratë, Ministria e Shëndetësisë shpreh falënderim për punën dhe bashkëpunimin e zjarrfikësve dhe stafit të spitalit. Ata kanë vepruar shpejt për të kontrolluar zjarrin dhe kanë transportuar pacientët në pjesën tjetër të repartit për të siguruar jetën dhe shëndetin e tyre.
Ministria e Shëndetësisë konfirmon se, edhe pse hetimet janë ende në proces, spitali vazhdon të ofrojë shërbimin me kapacitet të plotë. Kjo deklaratë synon të qetësojë publikun dhe të sigurojë se situata është nën kontroll dhe shërbimi shëndetësor nuk është ndërprerë për shkak të ngjarjes.
“Në një nga dhomat e mjekut në repartin e Kirurgjisë së Spitalit të Shkodrës, sot ka rënë një zjarr në orët e pasdites së vonë, i cili është vënë nën kontroll menjëherë falë punës dhe bashkëpunimit mes stafit të spitalit dhe zjarrfikësve.
Shprehim një falënderim të veçantë për zjarrfikësit në detyrë dhe për të gjithë stafin e spitalit, të cilët janë mobilizuar në mënyrë të menjëhershme dhe kanë vepruar shumë shpejt për të transportuar pacientët në pjesën tjetër të repartit, për të marrë në garanci jetën dhe shëndetin e tyre. Fatmirësisht nuk ka patur asnjë të lënduar.
Edhe pse shkaqet e kësaj ngjarje janë ende duke u hetuar, spitali vijon me dhënien e shërbimit me kapacitet të plotë”, thuhet në deklaratën e Ministrisë.
