Një 15-vjeçar është arrestuar në Korçë, ndërsa dy persona të tjerë janë shpallur në kërkim pasi kanë kryer vjedhje në dyqanin e një 41-vjeçareje.

Sipas informacioneve të policisë, të rinjtë kishin vjedhur një shumë parash, si dhe një aparat celular. Nga persona të kërkuar, njëri prej tyre është një person i mitur, 14-vjeçar.

Policia në Korçë ka njoftuar:

“Specialistët për Hetimin e Krimeve të Komisariatit të Policisë Korçë ndaluan me iniciativë një 15-vjeçar, banues në Korçë dhe po punojnë për kapjen e shtetasve A. Ll., 20 vjeç, banues në Korçë dhe një 14-vjeçari, banues në Tiranë, pasi në lagjen nr. 2, Korçë, në bashkëpunim me njëri-tjetrin dyshohet se kanë vjedhur një shumë lekësh dhe një celular, në dyqanin e një 41-vjeçareje”, njofton policia.