Real Madrid shënoi një fitore emocionuese me përmbysje ndaj Almerias, duke fituar ndeshjen me rezultatin 3-2 në Bernabeu. Almeria filloi ndeshjen fort, shënuar dy gola në pjesën e parë, me Ramazanin në minutën e parë dhe Gonzales në fund të pjesës së parë.

Me fillimin e pjesës së dytë Reali u zgjua dhe u hodh e tëra në sulm. Bellingham ngushtoi diferencën nga pika e penalltisë në të 57-ën. Me kalimin e minutave presioni u shtua dhe braziliani Vinicius shënoi golin e barazimit në të 67-ën.

Reali nuk u ndal me kaq dhe kërkoi me ngulm edhe golin e fitores të cilën ia dha Camavinga në minutën e 99’, duke vulosur fitoren madrilene 3-2.

Kjo fitore e mban skuadrën e Ancelottit në vend të parë me 2 pikë më shumë se sa Girona.