Një megaoperacion anti-drogë ka çuar në arrestimin e 35 personave në qytetin e Vlorës, të përfshirë në shitjen dhe trafikimin e lëndëve narkotike.

Policia gjithashtu ka sekuestruar doza të ndryshme të kokainës gjatë këtij operacioni, i cili nisi dje rreth orës 14:00 dhe vijoi deri në orët e mbrëmjes.

Gjatë megaoperacionit “Tempulli 2”, në Vlorë janë sekuestruar:

-503 kg kanabis, 3190 doza kokainë, 408 doza heroinë;
– 35 000 lekë, 400 euro;
-2 armë gjahu, një sasi municioni luftarak, 8 peshore eletronike;
-12 automjet dhe 45 aparate celularë.
Në Korçë vijim të fazës së dytë, të megaoperacionit policor “Tempulli”, për periudhën dhjetor 2023-janar 2024, janë vënë në pranga 32 persona.
-Janë ekzekutuar 10 urdhra ndalimi.
-Janë ekzekutuar 9 masa sigurie “Arrest në burg”.
-Janë arrestuar në flagrancë 13 shtetas.
-Gjithashtu janë proceduar në gjendje të lirë 20 shtetas të tjerë.
Në kuadër të këtij operacioni u sekuestruan:
285 gramë kokainë; 4.8 kilogramë cannabis sativa; një sasi e vogël heroinë dhe fara cannabisi; një sasi municioni luftarak; 4 peshore elektronike; 3 armë gjahu; 1 armë sportive; 1 thikë gjuetie; 1 hark me shigjetë; dokumente të ndryshme; 31 aparate celularë; 11 automjete;162 300 euro; 800 dollarë; 275 000 lekë.
Materialet procedurale i kaluan Prokurorisë, për veprime të mëtejshme, ndërkohë që megaoperacioni vijon.