Në Elbasan, operacioni antidrogë i quajtur “Tempulli” po vazhdon me fazën e dytë të tij.

Pas një hetimi të gjatë prej 3 muajsh nga Prokuroria e Elbasanit në bashkëpunim me Policinë, janë lëshuar urdhër-arreste për 20 persona, ndërsa edhe të tjerë janë shoqëruar për procedime të mëtejshme.

Prova nga hetimet tregojnë se këta persona janë përfshirë në aktivitetin e prodhimit dhe shitjes së narkotikëve.

Kontrollet dhe masa të tjera janë ushtruar gjatë natës në mjete dhe banesa tek të dyshuarit që kanë lidhje me tregtimin dhe përdorimin e lëndëve narkotike.

Drejtoria Vendore e Policise Elbasan, në kuadër të fazës së 2-të të megaoperacionit policor mbarëkombëtar të koduar “Tempulli ”:
•Janë vënë në pranga 24 shtetas (18 ekzekutime urdhër ndalimi dhe 6 arrestime në flagrancë);

-janë shpallur në kërkim 6 shtetas;
-janë proceduar në gjendje të lirë 4 shtetas.
•Janë sekuestruar:
-sasi kanabis, kokainë, heroinë, peshore elektronike;
-armë zjarri pistoletë, automatik, armë gjahu/sportive, armë e ftohtë (thikë);
-42 celularë,18 automjete, tavolinë pokeri dhe çipsa, si edhe pajisje si të Policisë (shkop gome).
-700 000 lekë të rinj dhe 29 000 euro.
Materialet procedurale i kaluan Prokurorisë, për veprime të mëtejshme