Kryeministri i Maqedonisë së Veriut, Dimitar Kovaçevski, ka njoftuar se qeveria do të japë dorëheqje më 25 janar për të lejuar formimin e Qeverisë teknike. Ky hap vjen në përgatitje të zgjedhjeve parlamentare që do të mbahen më 8 maj. Kryetari i Kuvendit, Talat Xhaferi, pritet të emërohet kryeministër i kësaj Qeverie teknike, e cila do të drejtohet për një periudhë prej 100 ditësh.

Kovaçevski bëri të ditur se kjo dorëheqje do të lejojë Kuvendin të votojë për formimin e Qeverisë së re teknike më 28 janar. Kjo Qeveri do të ketë detyrën e organizimit dhe mbajtjes së zgjedhjeve parlamentare. Para votimit, Kuvendi duhet të zgjedhë edhe kryeparlamentarin e ri, Jovan Mitreski.

Qeveria teknike, e cila krijohet 100 ditë para zgjedhjeve, do të përfshijë përfaqësues nga partitë që aktualisht janë pjesë e qeverisë, si dhe opozita. Megjithatë, kryetari i partisë opozitare VMRO DPMNE, Hristijan Mickovski, ka bërë të ditur se nuk do të votojnë për Qeverinë teknike, duke shprehur kundërshtimin e tyre ndaj kandidatit Talat Xhaferi.

Zgjedhjet parlamentare në Maqedoninë e Veriut janë paraparë të mbahen më 8 maj, ndërsa rundi i parë i zgjedhjeve presidenciale do të zhvillohet më 24 prill. Kjo periudhë e ndryshme e votimeve ka shpallur një fushatë të ndarë midis forcave politike që mbështesin orientimin perëndimor dhe atyre që favorizojnë një orientim lindor të vendit.