Pas përfundimit të mbledhjes së deputetëve të opozitës në Kryesi, deputeti Gazment Bardhi ka folur për mediat dhe ka komentuar rezolutën e Parlamentit Evropian për Reformën Zgjedhore. Bardhi tha se në raport theksohet nevoja për një përfshirje dhe përfaqësim të vërtetë të opozitës.

Deputeti u ndal gjithashtu tek mbledhja e komisionit të Reformës Zgjedhore të caktuar për të premten dhe e cilën ai e quajti “farsë” nga ata që bllokuan komisionin për 22 muaj dhe i mundësuan zgjedhjet e 14 majit.

Bardhi theksoi nevojën për një reformë zgjedhore që të adresojë problemet e identifikuara nga misioni i OSBE-së, duke përfshirë eliminimin e shitblerjes së votave, intimidimin e administratës dhe votuesve. Ai gjithashtu bëri thirrje për një përfaqësim të vërtetë të opozitës në procesin zgjedhor.

Bardhi:

Duke mbajtur në konsideratë misionin e OSBE, ku theksohet nevoja për reformën zgjedhore dhe priritetet që përfshijnë, eliminimin e shitblerjes së votes, intimidimin e administratës dhe votuesve. Theksohet nevoja për një gjithëpërfshirje dhe një përfaqësim të vërtetë të opozitës. Tradita është që opozita dhe mazhoranca nuk duhet të kenë vetëm numër të barabartë por vullneti i njërës palë nuk duhet t’i vendoset një pale tjetër.

Kjo është edhe kërkesa e deputetëve të opozitës. Vijimi i farcës duke ripërsëritur korporatat e 2020, të një reforme të njëanshme zgjedhore që është paralajmëruar për të premten, nuk është gje tjetër veçse një fasade e atyre që për 22 muaj e bllokuan dhe i mundësuan Edi Rames zgjedhjet e 14 majit, që OSBE/ODHIR, i ka cilësuar si dhunim flagrant i zgjedhjeve në Shqipëri. Mos u tallni është thelbi i deklaratës, por vendosni në axhendë atë që është problematike.