Deputetja e Partisë Demokratike, Albana Vokshi, e ftuar në një emision televiziv, ka shprehur qëndrimin e saj në lidhje me situatën politike në PD dhe zhvillimin e Komisionit të Reformës Zgjedhore online. Ajo theksoi se organizimi i mbledhjeve online me një grup deputetësh që nuk kanë lidhje me opozitën tregon që ka një pozitë dhe jo opozitë. Vokshi tha se opozita e vërtetë nuk mund të lejojë zhvillimin e një farse.
Deputetja kritikoi kryetarin e PD, Lulzim Bashën, duke thënë se u zgjua nga gjumi kur 47 deputetë kërkuan ndryshimin, dhe shtoi se opozita kishte kërkuar ndryshime në përbërjen e komisioneve. Vokshi akuzoi se 4 deputetë që nuk përfaqësojnë opozitën po përfshihen në komisionin e Reformës Zgjedhore, duke e cilësuar këtë si një farsë. Ajo gjithashtu kërkoi ndryshimin e përbërjes së komisionit dhe ka shprehur mosmarrëveshjen me mënyrën se si është duke u zhvilluar procesi.
“Ne kemi bërë të ditur se s’do lejojmë zhvillim normal të komisioneve, siç është dhe rasti i Reformës Zgjedhore. Të zhvillosh mbledhje online me një grup deputetesh që s’ka lidhje me opozitën, tregon se ka pozitë e jo opozitë.
Opozita prej disa muajsh ka bërë një kërkesë duke arsyetuar që komisioni ka dështuar. U zgjuan nga gjumi ata që fjetën për dy vjet. Basha u zgjua nga gjumi letargjik kur 47 deputetë kërkuan ndryshimin. Si mund të jenë 4 deputetë që nuk e përfaqëson opozitën. 7×7=42 me matematikën e Ali-Bashës. 7 deputetë që s’janë opozitë, por pengje janë të përfshirë me 4 deputetë. Çfarë matematike është kjo? Matematikë e Bashës.
Ne nuk lejojmë dhe nuk kemi për të lejuar një farsë. Ne kemi kërkuar që të ndryshohet përbërja se ka ende emra të ish-kolegëve”, u shpreh Vokshi.
