Një këngëtare e njohur braziliane, Danielle Fonseca Machado, e njohur si Dani Li, ka ndërruar jetë në moshën 42 vjeçare pas komplikimeve nga një operacion estetik.

Procedura e reduktimit të dhjamit dhe gjoksit kishte ndodhur në një klinikë në Pinhais, Brazil, por komplikacionet e kishin detyruar të transferohej në spitalin e Curitiba, ku mori fund.

Shkaku i vdekjes nuk është publikuar ende.

Bashkëshorti i saj, Marcelo Mira, shprehu tronditjen dhe njoftoi se trupi i këngëtares do të dërgohej në Macapá për varrim.

Dani Li ishte e njohur për këngën e saj “Eu sou da Amazônia” (Jam nga Amazona) dhe kishte fituar një status të njohur me rrymën e muzikës braziliane “brega”.

Këngëtarja kishte filluar karrierën e saj muzikore që në fëmijëri dhe ishte bërë e famshme pas një konkursi talente në qytetin e saj.

Operacioni i këngëtares kishte kushtuar rreth 5000 dollarë, dhe autoritetet policore kanë filluar hetimet për të zbuluar shkaqet e tragjedisë.