Policia ka publikuar emrat e pesë të rinjve të përfshirë në një sherr të ndodhur pasditen e sotme në Lezhë. Të lënduar kanë mbetur shtetasit Mirash Gjoni dhe Paelo Pati, ndërsa janë shoqëruar për në komisariat shtetasit Ernesto Gjoni, Antonio Prenga dhe Krealdo Ujka.
Konflikti ka ndodhur në shëtitoren “Gjergj Fishta”, ku pesë persona janë konfliktuar për motive të dobëta. Dy persona janë dëmtuar lehtë dhe janë dërguar në Spitalin Rajonal Lezhë për ndihmë mjekësore. Tre shtetasit e tjerë të përfshirë janë shoqëruar në ambientet e Komisariatit të Policisë Lezhë për veprime të mëtejshme procedurale.
Grupi hetimor po vazhdon veprimet për sqarimin e plotë të rrethanave të konfliktit, thuhet në njoftimin e policisë.
Njoftimi i policisë
Gjatë pasdites, në shëtitoren “Gjergj Fishta”, janë konfliktuar meb njëri-tjetrin, për motive të dobëta, shtetasit E. Gj., 21 vjeç, A. P., 29 vjeç, K. U., 21 vjeç, M. Gj., 54 vjeç dhe P. P., 28 vjeç. Gjatë konfliktit janë dëmtuar lehtë shtetasit M. Gj. dhe P. P., të cilët janë dërguar në Spitalin Rajonal Lezhë, për ndihmë mjekësore
3 shtetasit e tjerë të përfshirë në konflikt janë shoqëruar në ambientet e Komisariatit të Policisë Lezhë, për veprime të mëtejshme procedurale. Grupi hetimor vazhdon veprimet për sqarimin e plotë të rrethanave të konfliktit.
