Shërbimi Meteorologjik Ushtarak bëri të ditur se ditën e martë vendi ynë do të vijojë ndikohet nga kushte të qëndrueshme atmosferike si rezultat i aktivitetit të masave ajrore të thata por të ftohta.

Moti parashikohet me vranësira të pakta, kalimtare në orët e paradites përgjatë relieveve malore në veri të vendit. Më pas mot i kthjellët në të gjithë territorin dhe kohëzgjatje të orëve me diell. Prani e ngricave përgjatë akseve rrugore në relievet malore. Prezencë e mjegullës së dendur/mjegullinës dhe reduktim shikimi në orët e mëngjesit.