Miliarderi teknologjik Elon Musk ka njoftuar se kompania e tij “Neuralink” ka realizuar me sukses implantimin e një çipi truri me valë te një njeri, duke hapur rrugën për lidhjen e trurit të njeriut me kompjuterët.

Ky hap historik ka për qëllim të ndihmojë në trajtimin e kushteve neurologjike. Kompania ka marrë lejen për të testuar çipin nga Administrata e Ushqimit dhe Barnave (FDA) në maj, duke pasuar përpjekje të mëparshme për miratim.

Studimi ka përfshirë vendosjen e 64 fijeve fleksibël në pjesën e trurit që kontrollon lëvizjen, duke lejuar regjistrimin dhe transmetimin e sinjaleve të trurit.

Produkti i parë i Neuralink, i quajtur “Telepathy”, pritet të përdoret fillimisht nga ata që kanë humbur kontrollin e gjymtyrëve të tyre.