Sot, Tirana ka marrë drejtimin e Presidencës së B-40, rrjetit më të madh të bashkive në rajonin tonë. Presidenti Bajram Begaj ka shprehur gëzimin për këtë nismë, duke e vlerësuar si një angazhim serioz për bashkëpunim rajonal dhe zhvillim të qëndrueshëm. Ai ka theksuar se rrjeti i qyteteve të Ballkanit është një vlerë e shtuar në marrëdhëniet rajonale, duke krijuar mundësi për bashkëpunim në nivel lokal. Presidenti Begaj ka lavdëruar Tiranën për zhvillimin e vrullshëm që ka përjetuar, duke theksuar nevojën për të vazhduar punën në drejtim të një të ardhme të qëndrueshme dhe gjithëpërfshirëse. Gjithashtu, ai ka theksuar rolin e qyteteve si hapësira ku mirëqenia e individit duhet të jetë prioritet.
Ne do ju japim një të mirë të madhe, kemi shprehje të urtë popullore: Shtëpia e shqiptarit, është edhe e mikut dhe e Zotit. Keni ardhur në Shqipëri ku është vendi i mikëpritjes dhe bujarisë shqiptare. Shumë faleminderit që keni ardhur sot këtu. Përshëndes pjesëmarrësit e nismës “Rrjeti i qyteteve të Ballkanit”. Nisma juaj është një angazhim serioz për bashkëpunimin rajonal dhe zhvillimin e qëndrueshëm. Ajo përbën një vlerë të shtuar në marrëdhëniet tona sepse krijon mundësi për bashkëpunim në nivel lokal. Rrjeti juaj i ka të gjitha mundësitë të jetë shembull suksesi për një të ardhme të qëndrueshme dhe gjithëpërfshirëse. Rajoni i Ballkanit është i pasur me histori dhe diversitet kulturore, gjen shkrirjen e shumë kulturave, ideve dhe inovacionit.
Për Tiranën, Presidenti Begaj ka thënë se mishëron zhvillimin e vrullshëm në vendin tonë teksa ka shtuar se kryeqyteti ruan balancën mes traditës dhe të resë.
