Moderatorja Roza Lati ka hapur zemrën dhe ka rrëfyer historinë e ndarjes nga partneri i saj, e cila sipas saj ka ndodhur për shkak të tradhtisë së tij.
Roza shprehet se, ndonëse shoqet e saj mundoheshin të përgjonin ish-partnerët e tyre, ajo ka zgjedhur të mos kthehet më pas dhe të mos interesohej më për të. Megjithatë, ajo tregon se gjëja e vetme që nuk mund të kontrollojë ishte fakti se çdo natë e shihte në ëndërr.
“Jam tradhtuar në lidhjen time të parë. Unë kam një forcë të madhe logjike që nuk ja imponoj trurit dhimbjen. E kam kaluar shumë shpejt. Kur unë jam ndarë nga dashuria ime e parë, një arsye e fortë ka qenë lëvizshmëria e partnerit tim. Unë e njoha partnerin tim kur ai ishte në kulmin e punës së tij.
Unë isha e vogël, të vegjël ishim të dyja palët. Por në momentin që unë jam ndarë nga partneri, u ulur në një tavolinë me shoqet e mia të fakultetit. Kisha afër një vajzë që nuk dua t’ia përmend emrin, por kishte një vit që ishte ndarë nga i dashuri dhe vazhdonte ta përgjonte, thoshte: Ai ishte këtu, mora vesh që kishte pirë kafe me këtë, me atë.
Kisha shoqen tjetër, rahmet pastë, që nuk jeton më dhe ndahej çdo javë nga i dashuri dhe veç për probleme fliste.
Isha dhe unë, u ula në tavolinë dhe ju thashë ‘u ndava’. Vajzat u shokuan. Kam qenë 20 vjeçe dhe thashë: Unë u ndava dhe nga ky moment unë nuk e përmend më në tavolinë, nuk dua të më pyesni më në tavolinë dhe nuk dua të më raportoni fare se çfarë bën ai.
Nga ajo ditë, unë nuk e përmenda njëherë, nuk pyeta për të njëherë. E vetmja gjë që nuk kam kontrolluar ishin ëndrrat, më dilte çdo natë në ëndërr”.
