Kryeministri Edi Rama është takuar me përfaqësues të sistemit bankar, duke kërkuar ndryshime thelbësore dhe modernizim të shërbimeve financiare në Shqipëri. Në takim, ai ka theksuar nevojën për zbatimin e “open banking” në të gjitha bankat e nivelit të dytë brenda vitit të tanishëm.

Rama ka bërë thirrje për përdorimin e teknologjisë për efikasitetin e transaksioneve dhe ka kërkuar nga bankat të hapin dyert e tyre ndaj inovacionit dhe zhvillimit teknologjik.

Ai ka shprehur vendosmërinë që kjo ndryshim të ndodhë brenda këtij viti, duke sfiduar bankat për të përmirësuar shërbimet dhe zvogëluar përdorimin e para të gatishme në ekonomi.

Procesi pritet të drejtohet nga Banka e Shqipërisë, ndërsa përfaqësuesit e bankave kanë deklaruar gatishmërinë për të dalë live me “open banking” në qershor.

Më konkretisht, qeveria kërkon nga bankat që brenda këtij viti, pensionistë të marrin pensionet përmes sistemeve të reja. Bizneset të shesin me këto sisteme. Dhe, që qarkullimi i CASH-it në vend të bjerë ndjeshëm.

“Duam ta bëjmë në mirëkuptim të plotë dhe në paqe, por do ta bëjmë,” shtoi kryeministri.

Procesi pritet që të drejtohet nga Banka e Shqipërisë.

“Të gjitha justifikimet, albite që vijnë nga prishja e një status quo-je të viteve me radhë, nuk do t’i tolerojmë”, tha ai.

Nga ana tjetër, përfaqësuesit e bankave bënë të ditur se këto të fundit ndodhet në periudhë testimesh dhe se në qershor do të jenë të gjitha gati për të dalë “live” në qershor sa i takon “open banking”.