Autorët e vrasjes së 16-vjeçares Brianna Ghey në një park në Cheshire në shkurt të vitit 2023 janë dënuar me burgim të përjetshëm. Scarlett Jenkinson dhe Eddie Ratcliffe janë gjetur fajtorë për një vrasje “brutale, të planifikuar dhe sadiste”.

Gjyqtarja Justice Yip tha se Jenkinson ishte motivuar nga një “dëshirë e thellë për të vrarë”, ndërsa motivimi i Ratcliffe ishte pjesërisht armiqësia ndaj identitetit transgjinor të Brianna-s.

Gjatë seancës së dënimit, ajo theksoi se sulmi ishte “shumë i qëndrueshëm dhe i dhunshëm” duke përfshirë 28 plagë me thikë në viktimë. Familja e Brianna-s ishte e pranishme në gjykatë për dënimin e autorëve të vrasjes.

Duke dënuar çiftin në Gjykatën e Kurorës së Mançesterit, gjyqtarja tha se ajo “nuk donte të ndalej në vetë vrasjen, por ishte brutale”, ndërsa viktima pësoi 28 plagë me thikë. “Të marra së bashku lëndimet tregojnë për një sulm shumë të qëndrueshëm dhe të dhunshëm”, shtoi ajo.

“Mjerisht, Brianna nuk mund ta ketë humbur vetëdijen menjëherë dhe ajo duhet të ketë qenë e vetëdijshme se po sulmohej”. Familja e Brianna-s ishte ulur nëpër disa stola. Babai i saj Peter Spooner pohoi me kokë kur u dha dënimi i Jenkinson. Të pranishëm kanë qenë edhe familjarët e vrasësve.