Shefi i politikës së Jashtme të Bashkimit Evropian, Josep Borrell, ka rikonfirmuar mbështetjen e palëkundur ushatarake dhe financiare të vendeve të BE-së për Ukrainën gjatë një vizite në Kiev.

Ky veprim vjen pas miratimit të një pake 4-vjeçare ndihme prej 54 miliardë dollarësh për Ukrainën nga BE-ja.

Borrell ka shprehur që synon të diskutojë për realizimin e reformave dhe përpjekjet e Ukrainës për t’u anëtarësuar në BE. Në të njëjtën kohë,

Drejtori i Agjencisë Ndërkombëtare të Energjisë Atomike, Rafael Grossi, ka mbërritur në Ukrainë për të vlerësuar sigurinë e centralit bërthamor të Zaporizhias, duke theksuar shqetësime mbi sulmet ajrore dhe reduktimin e personelit në këtë zonë.

Në sulmet më të fundit në verilindje të Ukrainës, një person u vra dhe tre të tjerë u plagosën, ndërsa ndërtesa në qytetin Zolochiv u shkatërrua nga dy raketa S-300.

Ministria e Mbrojtjes së Rusisë pretendon se ka shkatërruar 7 dronë ukrainas mbi rajonin e Belgorodit, i cili kufizohet me Ukrainën.