Shefi i diplomacisë së Bashkimit Evropian, Josep Borrell, ka reaguar ndaj deklaratave të ish-presidentit amerikan, Donald Trump, lidhur me përkushtimin e tij ndaj NATO-s. Borrell tha se NATO “nuk mund të jetë një aleancë a la carte” dhe se nuk mund të funksionojë sipas dëshirave të një presidenti amerikan. Ai theksoi se NATO duhet të jetë një aleancë e qëndrueshme dhe e përkushtuar ndaj sigurisë.

Deklaratat e Trump, ku ai nxit Rusinë të sulmojë shtete të NATO-s që nuk plotësojnë detyrimet financiare ndaj aleancës, shkaktuan shqetësim në partnerët evropianë. Borrell theksoi se NATO duhet të jetë një strukturë e qëndrueshme dhe nuk duhet të ndryshojë me çdo ndryshim presidenti.

“Të bëhemi serioz. NATO nuk mund të jetë një aleancë ushtarake a la carte, nuk mund të jetë një aleancë ushtarake që punon sipas tekave të përditshme të presidentit amerikan”, tha Borrell.
“Ose ekziston ose jo”, tha ai, duke shtuar se nuk do të komentojë më “asnjë budallallëk” që do të dalë nga fushata zgjedhore presidenciale amerikane.
Presidenti aktual, Joe Biden, ka karakterizuar deklaratat e Trump si “të tmerrshme dhe të rrezikshme”. Shefi i NATO-s, Jens Stoltenberg, gjithashtu kishte paralajmëruar më parë se çdo sugjerim se aleatët nuk do të mbrojnë njëri-tjetrin do të minonte sigurinë e të gjithë aleatëve, përfshirë edhe SHBA-në.

Shefi i NATO-s, Jens Stoltenberg, më 11 shkurt paralajmëroi se “çdo sugjerim që aleatët nuk do të mbrojnë njëri-tjetrin minon të gjithë sigurinë tonë, përshirë edhe të SHBA-së”.