Detaje të reja janë zbuluar në lidhje me Florian Zanin, TikTokerin shqiptar, i cili u arrestua për trafikim njerëzish dhe dëmtim fizik të personave në nevojë, duke shkelur kështu nenin për racizëm ndaj njerëzve më vunerabël. 35-vjeçari u arrestua në shtëpinë e tij pasi bëri transmetime të drejtpërdrejta të akteve të akuzuar në kurriz të dy personave me aftësi të kufizuara.
Florian Zani ka qenë në qendër të një skandali pasi përdorte rrjetet sociale si YouTube dhe TikTok për të transmetuar abuzime ndaj personave me aftësi të kufizuara, duke grumbulluar mijëra euro nga ndjekësit e tij. Media greke “Xhungla” ka prezantuar pamje të personave duke u torturuar për të kënaqur kërkesat e ndjekësve të tij.
Dy viktima të tij kanë dëshmuar për veprimet e tij, treguar se ai i ka dhënë alkool vajzave të mitura 15-17 vjeçe dhe i ka dhunuar ato. “Më rrahu keq, më pështyu, më goditi me grusht në të gjithë trupin”, tha një prej viktimave për ANT1. Një burrë tjetër pretendon se është viktimë e Zanit dhe tha se ai i ka shfrytëzuar për të fituar para, duke i marrë me forcë në dhomën e tij dhe duke ua marrë të ardhurat.
Kjo ngjarje ka sjellë shumë shok dhe debat në opinionin publik, duke nxjerrë në pah rrezikun e shfrytëzimit të rrjeteve sociale për të kryer vepra kriminale dhe të dhunshme.
Skena dhune dhe sjellje ekstreme poshtëruese në një transmetim të drejtpërdrejtë me viktima me aftësi të kufizuara mendore përfshihen në videot e postuara në rrjetet sociale nga YouTuberi 35-vjeçar me pseudonimin Hayate ose Shefi, i cili u arrestua mesditën e djeshme në shtëpinë e tij, në Aegaleo, nga oficerët e policisë së Departamentit për trajtimin e dhunës raciste. Në shtëpinë e tij, policia gjeti dy persona me aftësi të kufizuara mendore, të cilët YouTuber-i po i shfrytëzonte duke i vendosur në video, nga të cilat fitonte para. Protothema.gr prezanton disa nga pamjet horror, në të cilat shihet një burrë dhe një grua me aftësi të kufizuara, duke rënë viktimë e sjelljes nënçmuese të 35-vjeçarit.
YouTuberi shihet në disa pamje, teksa godet pa mëshirë personat me aftësi të kufizuara. Në një video tjetër, 35-vjeçari e godet me një kovë me ujë një grua me aftësi të kufizuara, duke bërë që ajo të rrëshqasë dhe të bjerë, ndërsa të rinjtë qeshin me të. Madje, në pamje duket dikush teksa luan rolin e “arbitrit”. 35-vjeçari është paraqitur sot në Prokurori dhe Hetuesi, për t’u deklaruar fajtor për akuzat e trafikimit të qenieve njerëzore, lëndimit trupor të personave me aftësi të kufizuara dhe kanosjes me rrethanë rënduese të një krimi me karakteristika racore, për shkak të paaftësia e viktimave.
