Një skenë e kontrabandimit të makinave është zbuluar në qytetin e Korçës, duke sjellë në pranga një person dhe duke vënë në hetim një tjetër.

Dy personat dyshohet se sillnin makina kontrabandë nga Anglia, pastaj i çmontonin dhe i shisnin për pjesë në vendin tonë.

Nga njoftimet e policisë në qytetin e Korçës, raportohet se një 27-vjeçar i quajtur Shaqir Gërmenji është arrestuar, ndërsa një 50-vjeçar A. S. është nën hetim. Dy shtetasit dyshohet se praktikonin veprimtari të paligjshme në serviset e tyre respektive.

Në bazë të informacioneve të siguruara nga inteligjenca policore, autoritetet kryen kontroll në serviset e dy personave të përfshirë. Në servisin e shtetasit Shaqir Gërmenji u gjetën 30 automjete pa dokumentacionin e nevojshëm, të pashoqëruar me faturat blerëse. Gjatë kontrollit në servisin e shtetasit A. S., u gjetën 6 automjete të tjera pa dokumentacionin përkatës.

Në total, nga kontrollet janë sekuestruar 36 automjete me pjesë të çmontuara, të cilat dyshohet se janë kontrabanduar nga Anglia në Shqipëri.

Të gjitha materialet janë dorëzuar pranë Prokurorisë së Korçës për vazhdimin e hetimeve të mëtejshme.