Yulia Navalnaya, ndodhej në Mynih teksa ka marrë lajmin tragjik të ndarjes nga jeta të bashkëshortit të saj, Aleksei Navalny në burgun e Siberisë. Ajo, e njohur si bashkëshortja e rivalit të Putinit, përcolli lajmin e dhimbshëm në mes të Konferencës së Sigurisë, e cila po mbahet në të njëjtën qytet. Në këtë konferencë, liderët botërorë kanë shprehur ngushëllime për humbjen e liderit të opozitës ruse.

Yulia ndërkaq, në një fjalim të emocionuar, bëri thirrje për ndalimin e “regjimit të tmerrshëm” të Vladimir Putinit.

“Nuk e di nëse duhet të besojmë këtë lajm të tmerrshëm që sapo dëgjuam,” tha ajo, duke shtuar se qeveria e presidentit rus gënjen në mënyrë të pandërprerë. “Do të doja që Putin dhe i gjithë stafi i tij… të dijnë se do të ndëshkohen për çfarë ata kanë bërë në vendin tonë, me familjen time dhe burrin tim,” shtoi Yulia.

“Ajo gjithashtu theksoi nevojën për luftën kundër regjimit të tmerrshëm në Rusi. Vladimir Putin duhet personalisht të merret për të gjitha mizoritë e shkaktuara në vend vitet e fundit,” deklaroi ajo me vendosmëri.