Kandidati për deputet i Partisë Demokratike në qarkun e Korçës Ervin Salianji në një deklaratë për mediat në përfundim të procesit të numërimit të votave që i dhanë 6 mandate deputetësh PS-së dhe 5 PD-së, nuk e fshehu faktin që nuk ishte i lumtur për këtë rezultat.

Por Salianji shprehu mirënjohej për mbështetjen e marrë nga qytetarët në këtë qark kur tha se PD ka marrë në këto zgjedhje një rikuperim të 7000 votave.

Ervin Salianji: Nuk jam pas përfundimit të procesit të numërimit, as i gëzuar e sa i lumtur por jam mirënjohes për votat e mbëshetjen masive të të rinjve në qark të cilët në një klimë represioni, presioni nga shpërdoruesit e pushtetit që paguhet me taksat e qytetarëve në Korçë duke përdorur edhe elementë të policisë së shtetit, të shit blerjes së votave, e cdo forme tjetër të intimidimit me mbështetjen kemi rikuperuar më shumë se 7000 vota në qytetin e Korçës.

Kemi arritur një rezultat të jashtzakonshëm, do të donim më shumë, kemi bërë përpjekje për të arritur rezultatin më të mirë, jemi brenda pritshmërive dhe përtej pritshmërive që kishim vendosur.