Armando Sulejmani, i njohur si “Çipuri”, kapet ndërsa lëvizte me një mjet të vjedhur

Armando Sulejmani u plagos në një atentat më 17 Shkurt 2019, duke lënë dy të vdekur në zonën e “Ujit të Ftohtë”

Sulejmani ishte shpallur në kërkim nga policia, pasi siguronte makina të cilat janë përdorur për krime të ndryshme. Më 17 shkurt të vitit 2019, Sulemani mbeti i plagosur nga një atentat në zonën e “Ujit të Ftohtë” në qytetin e Vlorës. Në ngjarjen ku u plagos “Çipuri” mbetën të vrarë kunati i tij, Orest Rexho dhe shoku i tij Arjan Hasani. Të tre ndodheshin në një automjet, ndërsa ndaj tyre është qëlluar me breshëri nga një automjet tjetër. Në atë kohë nga policia u konfirmua se objektiv ishte pikërisht Sulejmani. Në lidhje me atentatin dyshohet se ekzekutimi ka lidhje me një histori hakmarrjeje që ka nisur vite më parë.

Në vitin 2002, Sulejmani është akuzuar për pjesëmarrje në vrasje, ku për këtë vepër penale u dënua me burg. Në shkurt të vitit 2019, Gjykata e Vlorës caktoi masën “arrest me burg” për armëmbajtje pa leje.