Ligjvënësit gjermanë pritet të debatojnë dhe të votojnë për legjislacionin që do të legalizonte përdorimin personal të kanabisit. Nëse miratohet, ligji i ri do të lejojë posedimin e 50 gramëve kanabis për konsum privat dhe rritjen e vetëm tre bimëve.

Në hapësirën publike, të rriturit do të kenë lejen të posedojnë deri në 25 gramë kanabis. Drafti i ligjit do të lejojë gjithashtu kultivimin e kësaj substancë për qëllime jo tregtare dhe shpërndarjen e saj nga klubet në një mënyrë të kontrolluar.

Nëse ky legjislacion miratohet, Gjermania do të bëhet një ndër vendet me ligjet më të buta për marijuanën në Evropë. Kjo ndodh në një kohë kur shumica e vendeve të Bashkimit Evropian e konsiderojnë kanabisin si një substancë të ndaluar, dhe përdorimi i tij është i kufizuar ose i ndaluar nga shumica e legjislacioneve kombëtare.