Gjermania ka legalizuar përdorimin rekreativ të kanabisit, duke u bashkuar një grupi të vogël shtetesh dhe juridiksionesh që kanë ndërmarrë një hap të tillë. Ligji i miratuar nga Bundestagu lejon individët dhe shoqatat vullnetare të kultivojnë dhe posedojnë sasi të kufizuara të kësaj droge. Ligji pritet të hyjë në fuqi më 1 prill, duke lejuar përdorimin e kanabisit në mjedise publike për të rriturit mbi 18 vjeç, me rregulla të strikta për blerjen dhe konsumin.

Miratimi i ligjit synon të zyrtarizojë përdorimin e kanabisit, duke shpresuar që kjo do të minojë tregun e zi, të mbrojë konsumatorët nga drogat e kontaminuara dhe të ulë rrjedhat e të ardhurave për bandat e krimit të organizuar. Gjermania bëhet shteti i nëntë që legalizon përdorimin rekreativ të kanabisit, pas disa shteteve të Shteteve të Bashkuara dhe Australisë.

Në bazë të ligjit të miratuar, kanabisi do të mbetet i jashtëligjshëm për minorët dhe nuk mund të konsumohet afër shkollave dhe këndeve të lojërave. Ligji pritet të votohet më 22 mars në Dhomën e Lartë të Parlamentit gjerman dhe të hyjë në fuqi me 1 prill.