Në ditën e dyvjetorit të pushtimit të Ukrainës nga Rusia, katër liderë perëndimorë arritën në Kiev të shtunën, 24 shkurt, për treguar solidaritetin e tyre dhe mbështetjen ndaj vendit të goditur nga agresioni rus. Kryeministrja e Italisë, Giorgia Meloni, kryeministri i Kanadasë, Justin Trudeau, kryeministri i Belgjikës, Alexander De Croo, së bashku me presidenten e Komisionit Evropian, Ursula von der Leyen, udhëtuan me tren nga Polonia drejt Kievit.

Sot në Kiev, janë planifikuar ceremoni për të kujtuar tragjedinë e pushtimit rus dhe rezistencën vendase. Në të njëjtën kohë, Londra ka njoftuar një paketë të re ndihme për Ukrainën dhe ka angazhuar 245 milionë £ për furnizimin e ushtrisë ukrainase me municione.

Kryeministrja italiane, Giorgia Meloni, theksoi se prania e tyre në Ukrainë shpreh solidaritetin dhe mbështetjen për lirinë dhe interesat kombëtare. Ajo gjithashtu vuri në dukje se situata aktuale është rezultat i agresionit rus dhe dështimit të rregullave të së drejtës ndërkombëtare.

Ky takim ndërkombëtar ndodh para një takimi virtual të G7 dhe shënon përvjetorin e dytë të një nga konfliktet më të mëdha në Evropë, me pasoja të rënda për popullsinë dhe stabilitetin rajonal.

“Ajo që ka ndodhur në dy vitet e fundit, me shpërthime krizash që shtohen, është rezultat i atij pushtimi – shtoi ajo -. Kur rregullat e së drejtës ndërkombëtare dështojnë, ne gjejmë veten në një botë në të cilën ai që është ushtarakisht më i fortë pushton fqinjin e vet.”