Në samitin ndërkombëtar “Ukrainë-Europa Juglindore”, i cili po zhvillohet në Tiranë dhe ka pjesëmarrjen e presidentit të Ukrainës Volodymir Zelensky, një tjetër emër i njohur është vërejtur në ngjarje. Alex Soros, djali i filantropit të njohur George Soros, ka qenë i pranishëm në këtë ngjarje, duke u ulur pas kryeministrit Edi Rama dhe ministrit të Brendshëm Taulant Balla.

George Soros, me një pasuri prej 25 miliardë dollarësh, ka transferuar kontrollin e kompanisë së tij në dorën e djallit të tij më të vogël, Alex Soros. Familja Soros ka ndikuar në shumë fusha përmes Fondacionit të Shoqërisë së Hapur, duke dhënë kontribute të konsiderueshme për organizata dhe projekte që mbështesin të drejtat e njeriut dhe promovojnë demokracinë në nivel global.